თბილისის ინფექციური საავადმყოფოს სამედიცინო დირექტორის ინფორმაციით, დღევანდელი მონაცემებით, კოვიდცენტრებში 260 პაციენტიდან ხუთის მდგომარეობა კრიტიკულია, 23-ის კი მძიმედ ფასდება. ამის შესახებ მარინა ეზუგბაიამ ჟურნალისტებს განუცხადა.

„დღევანდელი მონაცემებით, კოვიდცენტრებში 260 პაციენტი მკურნალობს. მკურნალობის ეტაპზე მყოფი პაციენტების განაწილება ასეთია: კვლავ ხუთი კრიტიკული პაციენტი რჩება, 23-ის მდგომარეობა არის მძიმე. ისინი კოვიდცენტრების რეანიმაციული და ინტენსიური თერაპიის განყოფილებაში მკურნალობენ“, – აცხადებს მარინა ეზუგბაია.