საფრანგეთი და გერმანია ჯანდაცვის მსოფლიო ორგანიზაციის რეფორმირების ინიციატივით გამოდიან. როგორც საინფორმაციო სააგენტო Reuters-ი ოფიციალურ წყაროებზე დაყრდნობით იუწყება, რეფორმა ჯანმოს უფლებამოსილებისა და დაფინანსების გაზრდას ითვალისწინებს.

საფრანგეთსა და გერმანიაში მიიჩნევენ, რომ ჯანმოს ძირითადი ამოცანები ეპიდემიების თავიდან აცილების თვალსაზრისით საკმარისად არ ფინანსდება და იურიდიული უფლებამოსილება არ აქვს.

ბერლინში და პარიზში აცხადებენ, რომ ჯანმოს თავისი ამოცანების შესასრულებლად შესაძლებლობები არ აქვს. როგორც სააგენტო Reuters-ი აღნიშნავს, გერმანიისა და საფრანგეთის ინიციატივა, შესაძლოა, სექტემბერში განიხილონ.