ქვეყანაში კორონავირუსით ინფიცირებულთაგან 5 პაციენტის მდგომარეობა კრიტიკულია, - ამის შესახებ ჟურნალისტებს ინფექციური საავადმყოფოს სამედიცინო დირექტორმა მარინა ეზუგბაიამ განუცხადა.

მისი თქმით, ინფიცირებულთაგან 22 პაციენტის მდგომარეობა მძიმეა.

„დანარჩენი პაციენტების მდგომარეობა, ძირითადად, საშუალო სიმძიმისაა, მცირე ნაწილია მხოლოდ საშუალო და უსიმპტომო მიმდინარეობით“, - განაცხადა ეზუგბაიამ.

დღეისთვის საქართველოს კოვიდცენტრებში სულ 246 პაციენტი მკურნალობს.