იტალიაში 38 წლის ქართველი კაცი დააკავეს. ინფორმაციას ამის შესახებ ადგილობრივი მედია მილანის პოლიციაზე დაყრდნობით ავრცელებს.

არსებული ინფორმაციით, ქართველმა კაცმა მილანის ცენტრში ერთ-ერთ ტანსაცმლის მაღაზიაში 3 000 ევროს ღირებულების ტანისამოსი მოიპარა და შემთხვევის ადგილიდან გაიქცა, თუმცა ის მაღაზიის მფლობელმა შეამჩნია, ველოსიპედით უკან გაეკიდა და მისი დაჭერა მოახერხა, პარალელურად კი პოლიცია გამოიძახა.