საზარელი ავარიის შესახებ ახალი დეტალები ირკვევა. ფონიჭალაში, ადგილობრივები ყვებიან, რომ დიდი სისწრაფით მიმავალი მანქანა ჯერ საცხოვრებელ სახლს, შემდეგ კი ქორწილიდან მომავალ ადამიანებს დაეჯახა. გარდაცვლილია 2 ადამიანი, მათ შორის ბავშვი, ხოლო კიდევ 2 მათგანი საავადმყოფოშია გადაყვანილი. 

ცნობილია, რომ გამოძიება სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.