1-ლი აგვისტოდან რუსეთი ოკუპირებულ აფხაზეთთან ე.წ. საზღვარს გახსნის. ინფორმაციას ამის შესახებ რუსული მედია რუსეთის ვიცე-პრემიერზე, ტატიანა გოლიკოვაზე დაყრდნობით ავრცელებს.

„მიღებულია გადაწყვეტილება, 2020 წლის 1-ლი აგვისტოდან რუსეთის ფედერაციასა და აფხაზეთის რესპუბლიკას შორის სახელმწიფო საზღვრის გახსნის თაობაზე. გადაწყვეტილებას საფუძვლად უდევს აფხაზეთში სანიტარული და ეპიდემიოლოგიური სიტუაციის შეფასება“, - განაცხადა რუსეთის ვიცე-პრემიერმა.