რაც შაქარაშვილისა და ბაჩალიაშვილის საქმეებთან დაკავშირებით ხდება, წარმოუდგენელია, მსოფლიოს ნებისმიერ ქვეყანაში მსგავსი რამ მოხდეს. ადვოკატების მეშვეობით მედია პირდაპირ ეთერში პარალელურ გამოძიებას აწარმოებს და საგამოძიებო მასალების დემონსტრირებას ახდენს, რა თქმა უნდა, ადვოკატების ინტერესების გათვალისწინებით, - ამის შესახებ ექსპერტმა სამხედრო-პოლიტიკურ საკითხებში ამირან სალუქვაძემ “ახალი თაობისთან” ინტერვიუში განაცხადა.
სალუქვაძის თქმით, გარდა იმისა, რომ ეს ყველაფერი ემსახურება ვიწროპოლიტიკურ მიზნებს, რადგან წინ არჩევნებია, ძალოვან სტრუქტურებზე შეტევის პროცესები არ წყდება, რაც სცდება ელემენტარულ ნორმებს. ჟურნალისტის კითხვაზე, ვის ინტერესებს იცავს მედია, როცა მეტწილად ბრალდებულების ადვოკატებს აძლევს ტრიბუნას, სალუქვაძე პასუხობს, რომ ეს კატასტროფაა დააბსოლუტურად ყველანაირი ბალანსი დარღვეულია.