პოლიციამ ფეხბურთის ფედერაციის ყოფილ ვიცე-პრეზიდენტ ლერი სულაბერიძეზე თავდასხმაში ეჭვმიტანილი დააკავა. კაცს, ვაკე-საბურთალოს პოლიცია მოწმის სტატუსით კითხავდა. პროცედურის დასრულების შემდეგ კი მისი სტატუსი შეიცვალა.

ლერი სულაბერიძემ გამოკითხვიდან გამოსვლის შემდეგ ჟურნალისტებს განუცხადა, რომ ის პოლიციის მიერ დასახელებულ პირს არ იცნობს.

წყნეთში წუხელ სროლა იყო. დაზიანებულია ფეხბურთის ფედერაციის ყოფილი ვიცე-პრეზიდენტის, ლერი სულაბერიძის ავტომობილი.

შსს-ს ცნობით, საქმეზე გამოძიება სსკ-ის მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების მუხლებით მიმდინარეობს.