თამარ ბაჩალიაშვილის ოჯახის ადვოკატი, მიხეილ რამიშვილი ამბობს, რომ სამხარაულის ექსპერტიზის ეროვნული ბიუროში მისვლის დროს, მას კომპიუტერი დალუქული არ დახვდა. ამოღებულია თუ არა პროგრამისტის კომპიუტერიდან რაიმე სახის ინფორმაცია, ექსპერტიზის ბიუროსა და გამოძიების მიერ, ადვოკატი ჯერ ვერ აკონკრეტებს.
"მე მათ ვუთხარი, რომ აღნიშნული კომპიუტერის გახსნა მომხდარიყო ჩემი თანდასწრებით და მერე მომხდარიყო ყველა იმ პროცედურის ჩატარება, რომ დარმწუნებული ვყოფილიყავი, რომ რამე კითხვის ნიშნები არ გაჩენილიყო.
დღესაც ბოლომდე არ ვარ დარწმუნებული, მაინც, ხომ არ მოხდა წინასწარ შესვლა ან ამდაგვარი ქმედება. ბოლომდე რომ დავრწმუნდები, მერე უფრო მშვიდად ვიტყვი ამაზე" - ამბობს მიხეილ რამიშვილი.
ადვოკატი ასევე ამბობს, რომ ამჟამად კომპიუტერში არსებული ინფორმაციის კოპირება მიმდინარეობს, რომელსაც რამდენიმე დღე დასჭირდება.