თამამად შეგვიძლია ვთქვათ, რომ ჩვენ შშმ პირებსა და მათ ოჯახის წევრებს არ ჰქონდათ საკანონმდებლო ბაზა, რომელიც ყოვლის მომცველი იქნებოდა. რაც მთავარია, იქნებოდა ეფექტიანი, გამოყენებადი და ეფექტური გარანტიებით, - ამის შესახებ იუსტიციის მინისტრმა, თეა წულუკიანმა „ქრონიკაში“ განაცხადა.

მისი თქმით, ბევრი უწყება ცდილობდა შშმ პირების შესახებ კანონპროექტის შექმნას, მაგრამ ხშირად იყო ჩიხი. მისივე განმარტებით, ბოლო 8 წელიწადში ამ ჩიხს ბევრჯერ წააწყდა, იწყებოდა სამუშაო ჯგუფებში მუშაობა, სხვადასხვა მუხლის შექმნა და შემდეგ პროცესი ჩერდებოდა.