NDI საქართველოში საველე სამუშაოებს უკვეთავს ისეთ ორგანიზაციას, რომელიც ნდობას არ იმსახურებს, - ასე გამოეხმაურა „ქართული ოცნების“ მაჟორიტარი დეპუტატობის კანდიდატი ნაძალადევის საარჩევნო ოლქში, მიხეილ ყაველაშვილი ეროვნულ-დემოკრატიული ინსტიტუტის მიერ გამოქვეყნებულ კვლევას.

„ის, რომ საქართველოს ხელისუფლების მიმართ არის დადებითი და პოზიტიური, ამას ყველა მივესალმებით. მივესალმებით NDI-ს წარმომადგენლობას. ჩვენ ამას ყოველთვის პატივისცემით აღვნიშნავთ, თუმცა ის მონაკვეთი, რომელსაც NDI უკვეთავს საქართველოში ორგანიზაციას, რომელიც კვლევებს აწარმოებს, ეს ორგანიზაცია არ იმსახურებს ნდობას. ჩვენ გვაქვს მწარე გამოცდილება, რომ კონკრეტულ პარტიებს უწევდნენ ანგარიშს“ - აცხადებს მიხეილ ყაველაშვილი.