ამ ეტაპზე კორონავირუსის სეზონური ხასიათი მტკიცებულებებით გაჯერებული არ არის. ამის შესახებ ჯანდაცვის მსოფლიო ორგანიზაციის ოფიციალურმა წარმომადგენელმა, მარგარეტ ჰარისმა განაცხადა.

„როგორც ჩანს, სეზონი ვირუსის გადაცემაზე არ მოქმედებს", - განაცხადა ჯანმოს ოფიციალურმა წარმომადგენელმა.

მარგარეტ ჰარისმა ასევე აღნიშნა, რომ ვირუსის გადაცემას ხელს უწყობს ხალხის გროვა, განსაკუთრებით მაშინ, როდესაც სოციალური დისტანცირების დაცვა არ ხდება.

„ხალხი კვლავ სეზონებზე საუბრობს. უნდა გვესმოდეს, რომ ეს ახალი ვირუსია და განსხვავებულად იქცევა", - დასძინა მან.