გარდაცვლილი თამარ ბაჩალიაშვილის მამა და ადვოკატი მიხეილ რამიშვილი ქვემო ქართლის პოლიციის დეპარტამენტში იმყოფებიან. გარდაცვლილი თამარ ბაჩალიაშვილის მამამ უწყებაში შესვლამდე კომენტარი გააკეთა. მან გაიხსენა ის პერიოდი, როდესაც თამარ ბაჩალიაშვილი სახლში უხასიათოდ ბრუნდებოდა.

„ოჯახში არაფერი პრობლემა და დარდი არ ჰქონია. მე მკლავს ერთი რამ. სახლში რომ შემოდიოდა ნაღვლიანი, ვეკითხებოდი თამარ, რა დაგემართა, შვილო, თქვი შეიძლება რამეში დაგეხმარო, მამა ვარ. ტიროდა ბავშვი, არ მეუბნებოდა“, – განაცხადა ჯუმბერ ბაჩალიაშვილმა.

5-დღიანი სამძებრო სამუშაოების შემდეგ, 23 წლის ანა ბაჩალიაშვილი თეთრიწყაროს ტყეში, საკუთარ ავტომობილში გარდაცვლილი იპოვეს.