ახალციხეში დავით აბნიელოვის კუთვნილ ავტომანქანაში ჭრელი გველი შეძვრა . მეპატრონე ამბობს, რომ დაახლოებით 18:00 სთ-თვის დაინახა მისმა ძმამ მანქანას კაპოტი როგორ ახადა და გველმა შიგნით ჩაძვრომა მოასწრო. თამარაშვილის ქუჩის მაცხოვრებლები ეჭვობენ, რომ გველი ისევ მანქანაშია.

„112-ში დავრეკეთ და გვითხრეს, რომ ეს მათ არ ეხებათ, ამიტომ ჩვენი ძალებით ვცდილობთ მანქანიდან გამოყვანას“, - ამბობენ აბნიელოვები.

დღის განმავლობაში მანქანა დაშალეს, მაგრამ ქვეწარმავლის გამოყვანა მაინც ვერ შეძლეს.

მეპატრონე აპირებს, რომ ძებნა ხვალიდან გააგრძელოს.