ლილოს ბაზრობაზე მოვაჭრეებს ახალ კორონავირუსზე ტესტირება უტარდება. როგორც „ინტერპრესნიუსს“ დაავადებათა კონტროლის ეროვნული ცენტრის დირექტორმა ამირან გამყრელიძემ განუცხადა, ლილოს ბაზრობაზე 2 დღეა რაც მოვაჭრეების პისიარ ტესტირება მიმდინარეობს. ლილოს ბაზრობაზე დღეში საშუალოდ 500 პისიარტესტი ტარდება.

ლილოს ბაზრობაზე უსაფრთხოების ზომები გამკაცრებულია და ეპიდემიოლოგიური კვლევა მიმდინარეობს. ლილო მოლის იმ რიგში, სადაც კოვიდინფიცირებულები მუშაობდნენ, ამ დროისთვის რამდენიმე დახლი დაკეტილია.

შეგახსენებთ, ლილოს ბაზრობაზე ფართომასშტაბიან სკრინინგზე გადაწყვეტილება იმის გამო მიიღეს, რომ აღნიშნულ ბაზრობაზე გარდაბნის მცხოვრებლების დიდი ნაწილი მუშაობს.