ქუთაისში მომხდარი საზარელი მკვლელობის შესახებ ნატალი პატარიძე, რომელიც გარდაცვლილი გოგონას მეზობელია, ჟურნალ „სარკესთან“ ყვება, რომ მან სამსახურიდან სახლში დაბრუნების დროს გაიგო ეს საზარელი ამბავი.

მისი, თქმით პოლიცია ეგრევე რომ გამოეძახებინათ, 30 წლის ელისო გადარჩებოდა.

„შვილი ეზოში გამოაცილა, აბა შენ იცი ჭკვიანადო. ეს იყო მისი უკანასკნელი სიტყვები, შვილს რაც უთხრა. ბავშვმა რომ ტრაგედიის შესახებ გაიგო, შოკში ჩავარდა. ყვიროდა, ტიროდა. ყველას გვეკითხებოდა: „დედიკო მოკვდა, რას ნიშნავს? ანუ ის აღარასოდეს მომეფერება და ჩამეხუტება? მთელ კორპუსს გული დაგვეწვა ობლად დარჩენილი ბავშვის ქვითინზე“, – ამბობს ნატალი პატარიძე.