23 წლის თამარ ბაჩალიაშვილს მეგობარი გოგონას თვითმკვლელობის ვერსიას გამორიცხავს და ამბობს, რომ "მსგავს თემაზეც კი არ საუბრობდა არასოდეს".

მეგობრები გოგონას იხსენებენ და ამბობენ, რომ მხოლოდ სწავლასა და განვითარებაზე ფიქრობდა.

"ერთმანეთი საფრანგეთში გავიცანით, როცა სასწავლებლად აქ ჩამოვიდა. ორი წლის წინ შემთხვევით "მაკდონალდში" შევხვდით. მახსოვს, წიგნით იყო მოსული "მაკდონალდში" და თან კითხულობდა. ძალიან კარგი ადამიანი იყო. მხოლოდ სწავლასა და განვითარებაზე ფიქრობდა. მეტი განვითარებისთვის იბრძოდა, რომ მეტს მიეღწია ცხოვრებაში, ამიტომ თვითმკვლელობას გამოვრიცხავ 100%-ით. მსგავს თემაზეც კი არ საუბრობდა არასოდეს. სუიციდის მიმართ დამოკიდებულებაც კი არ ჰქონია", - განუცხადა "რეგიონულ კვირას" თამარის მეგობარმა.