მესტიაში მოზარდის საძიებო სამუშაოები გრძელდება. ადგილობრივების ინფორმაციით, 13 წლის ბიჭს მეოთხე დღეა ეძებენ, თუმცა, მისი კვალის მიგნება ამ დრომდე ვერ მოხერხდა.

საძიებო პროცესში ჩართულია 50-მდე მეხანძრე-მაშველი. მოზარდს მაშველები სპეციალური ტექნიკით, მათ შორის დრონების საშუალებითაც ეძებენ. პროცესში ჩართული იყო ვერტმფრენიც.

13 წლის ილია ფილფანი სახლიდან შაბათს დილით ველოსიპედით გავიდა და მას შემდეგ არ დაბრუნებულა. ოჯახს მომხდართან დაკავშირებით ვერსიები არ აქვს.