ტაშკენტის „ფახთაქორში“, რომელსაც ქართველი მწვრთნელი შოთა არველაძე ავარჯიშებს, კორონავირუსზე შემოწმების შემდეგ დადებითი ტესტი ერთბაშად ხუთ ფეხბურთელს აღმოაჩნდა. ამის შემდეგ, გუნდის სრული შემადგენლობა იზოლაციაში გადავიდა.

„ტრიბუნა.უზ“-ის (Tribuna.uz) ცნობით, შემოწმება ჩაუტარდათ „ფახთაქორის“ დანარჩენ ფეხბურთელებს, სამწვრთნელო შტაბსა და სხვა თანამშრომლებს. ტესტების შედეგები ორშაბათს, 20 ივლისს იქნება ცნობილი, რის შემდეგაც შესაძლოა, სხვა ზომებიც იქნას მიღებული.