საქართველოს მეზობელ ქვეყნებში კორონავირუსით ინფიცირების შემთხვევები მცირდება - რუსეთში ბოლო დღე-ღამის განმავლობაში კორონავირუსის 6,109 ახალი შემთხვევა გამოვლინდა, რაც ყველაზე დაბალი დღიური მაჩვენებელია ზაფხულის სეზონზე. კორონავირუსით ქვეყანაში კიდევ 95 ადამიანი გარდაიცვალა და დაღუპულთა რიცხვმა 12,342 -ს მიაღწია.

თურქეთში გასული დღე-ღამის განმავლობაში კორონავირუსის 918 ახალი შემთხვევა გამოვლინდა. ბოლო ერთ დღეში თურქეთში კორონავირუსს 17 ადამიანი ემსხვერპლა, ეპიდემიის დაწყების შემდეგ კი, ქვეყანაში COVID-19-ით 5,475 ადამიანი გარდაიცვალა.

რაც შეეხება სომხეთს, ქვეყანაში ბოლო დღე-ღამეში კორონავირუსის 415 ახალი შემთხვევა გამოვლინდა და კიდევ 10 პაციენტი გარდაიცვალა. დაღუპულთა საერთო რიცხვმა 641-ს მიაღწია.